鐵騎會館

 找回密碼
 註冊
搜索
查看: 7713|回復: 20

為何細CC車行高速特別危險?

[複製鏈接]
發表於 5-9-2015 17:18:39 | 顯示全部樓層 |閱讀模式
想請教各位師兄,聽人講細CC車行高速特別危險,可否說明原因?
是因為開唔到快所以危險?(如果全程行慢線又如何?)
還是車体輕飄飄所以危險?(如果加附重又如何?)

發表於 6-9-2015 12:10:30 | 顯示全部樓層
本帖最後由 燎 於 6-9-2015 12:14 PM 編輯

其實好難講安唔安全, 個人駕駛經驗同對你對車既特性是否熟悉先最關鍵。

全程行最慢線, 問題係就算你跟路面車速行70-80(屯門公路做例子)最慢線點都會有慢車,

如巴士或者貨櫃車, 你點都會有機會被“得住” , 如果唔超車, 比另一部重型車係後面推你會極為危險,

如果你超車, 你車既馬力未必夠力加速到夠快扒頭(或者極速唔夠, 特別係環回公路行100哥d), 你扒頭時就會得住後面既車, 甚至係準備扒頭時比d粗魯既司機“界車” 做成危險。

如果你係上面比兩部車夾緊時, 沒有行到d顯眼位置比人知道你既存在, 就有可能比其他粗魯既駕駛者強cut入來(可能因為未必見到你以為有位zip)

如果你係細羊, 有部份易受氣流影響既羊係比其他中大型車超車時會產生大量亂流, 架車會好漂。

不過如果你知道你架車既能力, 避開危險位, 預早比油入線扒頭, 其實係ok的, 只是要一定經驗

不過細車係公路都有好處, 特別係塞車時

評分

參與人數 1積分 +50 收起 理由
B12 + 50 值得剪存

查看全部評分

發表於 7-9-2015 15:52:49 | 顯示全部樓層
飯簳漎[細車

150 - Suzuki QS150-B
125 - Aprilia RS4

成日上高速, 無問題

氣流哩家嘢, 托賴我仲未遇會成架車失控

發表於 19-10-2015 19:24:49 | 顯示全部樓層
上髙速,綿羊至少有300CC會好D;若係啡呤車,300CC都OK。

香港地車多路窄,26好難揾泊車位,車太大亦多麻煩,因為推車好辛苦,萬一冧車好難扶番起身,同埋好難摄入骨位同起大架。
發表於 7-9-2015 12:17:02 | 顯示全部樓層
我日日要行,東廊,大埔道,吐港入上水。上一部車係250cc羊,行90大風時已左擺,右擺。換左750cc街車後,完全係另一回事。安全好多。
發表於 5-9-2015 20:25:58 | 顯示全部樓層
唔係特別危險
只係有d情況下會有心無力姐

如果唔熟路,要穿插搵出口便會辛苦d

一般情況下搵架慢車跟住行便ok
發表於 5-9-2015 20:56:35 | 顯示全部樓層
細車穩定性低,例如時速過百後搖下搖下,灣位更明顯

冇加速力搶唔到位,想走又走唔到,上斜 / 雙騎更冇力

過大車容易受氣流影響


我有架150
發表於 5-9-2015 21:18:27 | 顯示全部樓層
即使全程行慢線, 都盡量唔好跟巴士尤其於夏天, 巴士後面漏好多水落條路
當你跟實佢 一來視野俾佢PATPAT遮晒, 二來俾D水撇到成個頭盔/風擋都係水, 影響視線, 三來條水路有可能令你跣呔.....
 樓主| 發表於 6-9-2015 09:31:52 | 顯示全部樓層

發表於 6-9-2015 16:56:12 | 顯示全部樓層
行快速公路,你行慢線重型車右多,除事中石仔,行快線右無乜力,經常行快速公路的話,最好都係大CC好D,最小超人車都巧力D,E加行慢線D重型都好快架。
發表於 6-9-2015 17:12:40 | 顯示全部樓層
細cc車,尤其係細羊,因為車身重心分佈問題,前輕後重,所以行高速再加大風的話,個把會比較難控制。亦因為咁,你可以見到大部份細羊司機的坐姿都係傾前,以身重拉返勻個比重。

但係小弟經驗係,就算係一般中羊都好,大風或打風天都好,行東廊、觀繞或3號仔都算okay。反而行東、西九龍走廊,因為兩邊大廈林立,由大廈之間吹來的側風比較難預計,反而感覺仲危險。
發表於 6-9-2015 17:59:25 | 顯示全部樓層
想請教各位師兄,聽人講細CC車行高速特別危險,可否說明原因?
↑原因咪係聽人講~ 不如查下近期十單電單車高速公路交通意外, 睇下係乜馬力的電單車?


是因為開唔到快所以危險?(如果全程行慢線又如何?)
↑開唔到快危險,咁睇下交通意外資料,會更易答到開得快係咪仲危險∼續第二個問題,細cc車唔一定行慢線,巴士都唔細馬力,但佢地有時行慢線,有時行中線,有時仲要行快線。法例呢,只要係125cc或以上的電單車都好三線任行(P除外)。唔同時段行高速,可以抯幾多又唔同,若果日日返公放公1、45號仔,估下乜車好行?


還是車体輕飄飄所以危險?(如果加附重又如何?)
↑車重唔會飄,但唔代表無其他問題,再用巴士做比喻,巴士夠重啦!電單車的關鍵係重量分佈,咁唔通細cc車主要日日綁埋舊鐵出車架....


細cc係咪行高速特別危險,日日都有150cc的車係高速行囉~
聽得多,不如知得多。


發表於 7-9-2015 09:51:14 | 顯示全部樓層
小弟都係飯125車, 主要行吐露港, 獅隧, 尖隧, 龍翔等, 你問我夠唔夠, 我話一定夠, 因為小弟 P 牌, 行到盡都係70, 但如果正常嚟講, 其實我會覺得較為勉強, 始終車cc細, 馬力細, 如果真係預到危險情況要抽頭, 加速的確會力不從心, 另外, 細cc車多數車身都會較為輕, 即使車重前後比例較為平均都好, 本身H車重對於其他車經過時所產生的氣流的抵御能力都較低, 例如你行慢線, 一架旅遊巴喺中線過你頭, 其實佢一過會陣風, 如果車身輕, 的確會有左右搖擺的情況, 另一方面, 車cc細, 馬力細, 如果要行高速 (100 km/h) 都要扭到幾盡下, 對架車本身損耗都會較大, 講到尾, 為自己好, 為架車好, 如果常行高速的話, 揀架大 cc 少少, 重身少少H車點都安全啲 ...
發表於 7-9-2015 10:51:15 | 顯示全部樓層
利申左先:渣大鷹

因為車輕會比較飄
之前小弟天水圍去大角咀返原廠行屯公,果日好大風
本身諗住大鷹已經比一般細羊已經算係穩定D
點知係大風情況下重依然都係飄飄地
想大油D去架車又好似谷得盡都係唔夠力超車
最慘就係D大車AR哂全條慢線,唯有騎住中線行
好多時都重係比後面D車推(已經行緊8X-90),想比多D油行都有心無力
如果樓主真係成日要行高速的話都係買架大D既車好D
發表於 7-9-2015 12:47:13 | 顯示全部樓層
車哥哥 發表於 7-9-2015 09:51 AM
小弟都係飯125車, 主要行吐露港, 獅隧, 尖隧, 龍翔等, 你問我夠唔夠, 我話一定夠, 因為小弟 P 牌, 行到盡 ...

朋友細CC 行吐露港,  安全駕駛無超速, 可惜人地飛車, 隔離線飛車過, 俾氣流吸, 反車, 入院成個星期~!
發表於 7-9-2015 13:11:18 | 顯示全部樓層
lemonjuice 發表於 7-9-2015 12:47 PM
朋友細CC 行吐露港,  安全駕駛無超速, 可惜人地飛車, 隔離線飛車過, 俾氣流吸, 反車, 入院成個星期~!

唉 ... 最慘真係比人連累, 始終26就係蝕底 ... 所以如果可以的話, 都係隍薴j cc 少少, 車重少少H好, 另都都要成日留意住週邊H情況, 隨時預備避開危機 ...

鐵騎網誌 iBike

GMT+8, 16-12-2017 02:56 PM

快速回復 返回頂部 返回列表