鐵騎會館

 找回密碼
 註冊
搜索
查看: 12765|回復: 15

電單車學習參考 (已更新到強制試)

[複製鏈接]
發表於 27-2-2015 07:54:50 | 顯示全部樓層 |閱讀模式
本帖最後由 alvis425 於 28-2-2015 07:52 AM 編輯

係呢個版 發現有好多係查詢好多唔同關於考車既問題 本人將自己(沙田駕駛學院)學車 P仔 同埋正牌後 包括羊同埋棍波既經驗綜合一下 希望可以幫到大家

1.首先裝備
頭盔 建議由一開始先由預算決定 如果預算唔容許的話 建議可以借用駕院頭盔 如果各位有本人既問題(潔癖) 可以從以下方面入手2
頭盔款式上面 有3/4面 開面佛 同大頭佛
3/4面可以令各位有一個更闊既視野 但係安全度上會有好大既風險 一開始學車你唔會知道自己水平去到邊度 趺一趺都會傷 下巴傷左好易爆好大個傷口 所以危險程度好高
開面佛可以有3/4面既視野 都有大頭佛基本既安全 但平均都1800G 以上 而只要拉左上去 會更重 向左望右望既時候 學車會好累
大頭佛 本人最建議使用呢一款 係學車既時候 你需要既係一場戲劇 使用大頭佛本身視野會少 但反而會令你動作會變大 更直接令考官知道你既視線同埋行為 而且只要習慣左視野 基本同3/4面係無分別

護具 過完強制同考試 本人就已經無再使用 由於我係大熱天學車 所以基本上係哂得好緊要 而且有皮膚敏感 所以先無用
但我絕對建議使用 由於一開始大家係唔識落地 所以好容易會受傷


鞋絕對係有必要認真選擇既一樣野 如果有後爭的話 會比較容易卡住腳蹬 更容易控制後BRAKE既力道 而且有謢腳眼比較安全 腳眼位置學棍波比較接近引擎 所以都會比較熱 而且落地容易扭傷 最重要係鞋底物料 要選擇爪著力高 防油既鞋 出到街地下好易比油滑到


強制試
投考強制試時 運輸處硬性規定 需要上一個COUSRE先可以進行考試 而課程長度總數3節 每節4小時 總數12小時 而報考課程 學院會要求於考試日前三星期上完 呢個係有規例規定
由於務必要求上完課程方能考試 而3節課程需要順序完成 所以學院會預留空間 令各位考生有時間及機會補堂 (本人就係其中一位唔記得上堂 要俾錢改堂)

第一節
課程會教你電單車基本操作 先會學識電單車上所有制既使用 推車 起側架 大架等基本電單知識先
之後會插key
正式學習離合器既使用(極力子) 而極力子會分成4節去睇 拉緊(極力子未接合) 輕放到摩擦點 車會感到震動(車未有動力向前) 於摩擦點再向前放一點(車子會慢溜向前) 慢溜1米左右後可以完全放開極力子
之後會係場內向右不停兜圈 及向左兜圈 熟習後正式進入第2段 學習波段運用

第二節 (由於當日我自己一個人學哂成堂第2堂 我唔肯定係咪一般都會咁教)
課程初步同上堂開始一樣 會幫你重溫返上堂學既 開停車 左轉 右轉 1波 上2波
之後會係電單車基本保養 電池位置 輪胎等多個配件既位置及保養 由於各種車款雖然多 但好多係異曲同工之妙
而下半段會開始加入考試既野 就係衝燈仔 呀SIR會係場尾放一組紅燈 佢會手控控制紅燈既ON/OFF 當你右轉返黎既過程 佢會隨機開著紅燈 而學生需要即時作出停車動作

第三節
課程會重溫第2堂所發生既事 之後呀SIR會解釋一下考試當日既內容
而觀塘駕駛學院同沙田有所不同 觀駕暫不作出評論(如有師兄觀駕 可幫忙打出考試內容以便小弟更新)
沙田駕駛學院考試內容
1. 於準備線後停車作出準備
2.駛出準備線到場地中央的停車格 作出第一個考試內容 一般停車
3.駛出向左面路口轉一圈回到中央停車
3.駛出向右面路口轉一圈回到中央停車
4.駛出向左/右(可作出選擇 如考官未有要求) 駛一圈 最到後必須以>21KM/H 的速度超過中央停車格後 作出急停動作
5.停車熄火落車 把車向前推到右面泊車位置
6.考試完畢
作出基本考試內容後 呀SIR就會叫大家係場地度試 同模擬考試

考試日 (係呢度我會指出考試應該要注意所有地方 及必要動作)
當日考試 考試需要到考試室作出登記 入到去會俾一張試車證你去試車 而試車期間可以去場地度試一試考試既模式 咁通常係會一班人咁試 一個個試
試完車後會正式進入考試場地 考試車輛一早已經泊好左係準備線 考官會重申一次考試要求 而向考生記得有問題 當時即時問清楚 而家考試步驟 要領及要求 會以下一點點慢慢列出
1.準時線後停車 呢個時候 你犯任何低線錯誤 包括落右腳 熄火 趺車 等等 你都唔會唔合格 都唔會有任何既罰則 所以一開始白線 唔好扮勁車頭就貼住白線咁白痴 因為緊張第一下好易熄火 落右腳 一日頭轆未過白線都開始計數
步驟 坐好>右腳放於後BRAKE >望鏡另頭> 著車> 望鏡另頭>放極力子> 慢行> 停車> 落左腳> 望鏡另頭 完成第一步
第二步 望鏡另頭>左方向燈>望鏡另頭> 開車>轉2波(可以彎前/彎後轉) 回到中央停車線前> 收油門>前後BRAKE> 拿極力子>落1波>落左腳>停車>望鏡另頭 (呢度只要控制好BRAKE既力度 全程唔需要放極力子補油回到)
第三步 (跟第三步大約相同 只是方向轉右)
第四步 前段跟早前2步相同 開車第一個彎後>2波>直到第2個彎心>俾油>拉直部車俾大油直到部車過21KM/H >紅燈著>急停>左腳>望鏡另頭>熄匙>左方落車>推車於右方場外
如未能著紅燈>左彎/右彎再轉1圈 重新進行考核要求 每人有3次機會衝燈作出急停

以上係考試既要求 我會將自己考試前既心德係下面同大家分享
考試車有別於一般操車 而學院於強制試時 所有壞車趺傷全部學院負責 意味住D咩? 就係你可以係咁趺部車趺到佢傻而去練自己應該要既技術
強制最難既一步 就係急停 所以急停先係重點 其他只係一般到唔一般 如果咁都做唔到 諗諗自己係咪仲應該學電單車 因為我唔想他日俾你撞死
急停大家最怕就係趺 但人唔趺唔識大 唔趺學唔識 所以趺到點唔係重點 點解好多女人學得好過男仔 佢地只怪生得矮 因為女仔一黎到預左自己仆到趴街 (好廢話講完)
練習急停 可以係少人既時候 係練習場直線俾油 前後BRAKE即時拿緊 但記住要領 腰直 頭重尾輕 頭FROK下降 HOLD住條腰唔好俾佢有不必要既擺動 呢個時候 你會發現部車HOLD住左 時間好似停留住 但隻腳仲係腳蹬上面既話 表示你練習到一如何人車合一
你會發現你仲有時間俾個腦諗下我應該落左腳定右腳 咁恭喜大家個強制你合格硬 因為我都買完車先咁玩
如果你自問做唔到以上咁 可以點? 當然就係出賤招啦 停車既時候 將個頭既重心 慢慢放左鏡後方 個心諗住情深一吻佢 你會發現停完車隻左腳自然訓左落地 點解? 大家可以試下隻右腳 基本1米7左右既人 會係吊吊FING既
如果再唔得 咁就PM下我 大家研究下啦下


(加入強制試完成版 會再進行修改 待續)





評分

參與人數 2積分 +20 收起 理由
symozart + 10 Nice!
fwkay + 10 有心機, 加油再寫啦!

查看全部評分

發表於 27-2-2015 12:05:03 | 顯示全部樓層
本帖最後由 蘿蔔腩 於 27-2-2015 12:06 PM 編輯

support u
發表於 27-2-2015 12:20:21 | 顯示全部樓層
多謝師兄有用資料, 黎緊考老強,已決定買頭盔,

但係唔知買邊隻好,
偏向買開面,都係因為視野,
考完,買車時再買個貴ge
發表於 27-2-2015 23:07:59 | 顯示全部樓層
支持!

thanks!!
發表於 27-2-2015 23:31:46 來自手機 | 顯示全部樓層
安全至上
 樓主| 發表於 28-2-2015 07:08:54 | 顯示全部樓層
johnson717 發表於 27-2-2015 12:20 PM
多謝師兄有用資料, 黎緊考老強,已決定買頭盔,

但係唔知買邊隻好,

問下身邊有冇人9折卡 走去廣華街Z字頭買個7舊水折完6舊多D 學完用黎做後座頭盔 就OK
有多少少買意大利A字頭 1800左右FULL FACE
發表於 28-2-2015 20:29:41 | 顯示全部樓層
一路都想買A 字或 S 字開面或唔開面大頭佛,不過後尾覺得重,所以平平地買左個用黎考試用,
出車再買個個靚d ge
發表於 28-2-2015 22:07:01 來自手機 | 顯示全部樓層
造福人群!
發表於 4-4-2015 07:19:25 來自手機 | 顯示全部樓層
好的分享
 樓主| 發表於 17-5-2015 02:23:01 | 顯示全部樓層
由於呢幾個月都好忙 加上有朋友都學緊車 所以未有時間去更新呢個POST住
但係最近差唔多忙完喇 仲有朋友強制既影片添(女司機) 大家如果有興趣想參考下 我問問佢睇下可唔可以POST俾大家睇啦
發表於 24-7-2015 10:38:14 | 顯示全部樓層
師兄 D 急停小貼士好有用呀! 好彩上強制堂前已睇, 幫到好多.

出賤招情深一吻 <-- 超work, 暗爽~
HOLD住左 時間好似停留住 <-- 有一次得左, 個感覺好正好浪漫, 仲可以慢慢落左腳, 感覺好優雅. 希望經練習後可以次次成功用呢招啦~~~~~


發表於 1-2-2016 16:12:04 | 顯示全部樓層
我3月上強制,上之前睇師兄呢個 post 我獲益良多
發表於 29-2-2016 05:50:41 | 顯示全部樓層
師兄你個POST好有用
發表於 21-5-2016 14:20:49 | 顯示全部樓層
頂,thanks!
發表於 24-7-2017 02:09:45 | 顯示全部樓層
本帖最後由 cindylee7689 於 15-8-2017 04:49 PM 編輯

支持支持!!!~~~愛美的女人的心是固有的,她們不僅希望自己身材苗條,而且希望有凹凸,即使是生下來的孩子的母親也是一樣。除了是一個好母親,我們也應該努力保持一個良好的外部形象,努力為凸曲線圖來實現“大女人的大夢想。但現實總是殘酷的,豐胸招數的傳播似乎沒有效果。根據各種豐胸秘方和錯胸內褲只能破胸,這樣到底有多不倦?產後乳房最有效嗎?然後給你介紹幾個產後產後哺乳的秘訣,最快的“相當”!

鐵騎網誌 iBike

GMT+8, 23-10-2017 05:52 PM

快速回復 返回頂部 返回列表