鐵騎會館

 找回密碼
 註冊
搜索
樓主: faytong

(分享)26新手 灰色之道

[複製鏈接]
發表於 17-5-2012 15:07:07 | 顯示全部樓層
原帖由 faytong 於 17-5-2012 12:15 PM 發表

班門弄斧
悶極無聊獻下醜姐

認真黎講
不過現今飯來張口,連敏 點敏法都要開post等人答既強人不太合用。。。
發表於 17-5-2012 16:28:29 | 顯示全部樓層
”26灰色之道”
期待期待期待呀

[ 本帖最後由 fwkay 於 17-5-2012 04:29 PM 編輯 ]
發表於 17-5-2012 17:40:39 | 顯示全部樓層
幫人教仔
發表於 17-5-2012 18:57:32 | 顯示全部樓層
資訊來源? 數據 及 證據 ?

評分

參與人數 4積分 -160 收起 理由
Matthew1991314 -50 無知婦孺
草原狼 -50 神憎鬼厭
老爹 -50 收工啦
陳靖仇 -10 無知婦孺

查看全部評分

發表於 17-5-2012 22:28:59 | 顯示全部樓層
原帖由 faytong 於 17-5-2012 00:14 發表
眼見現時學習駕駛電單車既朋友越黎越多,電單車又越黎越多,相對地新人新車亦引發出種種現象、問題甚至磨擦,小弟係樹想向各位新知舊雨分享一下個人見解,岩聽既岩聽,唔岩聽當我冇講過。

一.學車篇
第一樣梗係學 ...

吹下水, 有少少意見希望大家交流下學下野(雖然我唔係學神)
"一.學車篇
第一樣梗係學識揸車考個牌先啦,不過唔知點解而家d人好奇怪,去運輸處遞表有野唔明就上網問,租車價錢又上網問,連俾左錢駕駛學院上課程,可唔可以book時間都唔問學院而上網問,真得意
不論考強制定8字路試都好,目標為本,勤加練習,唔好成日諗住游車河呀,約埋一齊練有伴呀咁,浪費時間,真係覺得手車唔掂既,就加鐘再練,謙虛d向導師請教,點解要問佢呀? 上網唔得咩?上網係大把料,不過放料無須負責,資訊有真有假,好心做壞事既尤其多,又如果文字短片可以教識人抯車的話,唔Q駛租車實習,真接去考啦!仲有考到牌既都係呀,以為睇左套「聖經」就技術大進?咪玩啦! "

紅字: 雖則我都覺得鎖碎事咩都擺上黎問係有D膠同煩, 不過睇在佢地可能有D過分緊張/興奮, 驚自己做錯做漏,算啦. 或者家人朋友冇呢D經驗, 又唔敢開聲問人先"膽粗粗"上黎開帖, 希望網上有人懸壺濟世,救贖萬民..要解決呢D重複又沉悶既問題, 不如學"U汪"既學車板咁, 開個帖整個相關教學. TIPS, 程序, 也X都好, 至少新會員入到黎呢度, 睇完個帖都學到野, 可能心入面既問題一掃而空, 咁塊板咪乾淨好多LOL
最緊要既係入面既資料係正確無誤, 與時並進, 唔好呃蝦條或者放毒..呢層可以由多個資深既資料提供者共同撰文, 互相監測文字上既錯漏, 大家睇得黎又放心去相信

粉紅字: 你既PT我都有提出過, 出街租車練唔係問題, 不過考果度操果度我覺得就實際D, 考到牌出車你想去邊度操都得啦,又唔限時段路段, 係限速啫
有導師唔問上黎問就兩睇啦..有D覺得C父冇料, 或者知道C父既忠告(買車問題)一定唔岩聽既, 咪情願上黎開個自慰帖LOL...網上言論咩都有, 個個做番自己(參考黃子華), 梗有回覆係岩聽既, 一有岩心水既答案就覺得全世界都支持佢做, 冇人支持呢就話我既私事關你L事, 典型求慰帖..
但係另一角度睇, 大家學神,P仔, 新手, 老手有技術問題互相交流亦唔係咩壞事..好似有學神上黎呻學車遇到難題, 有人肯比小小心得(唔一定掂), 咁跟住黎做解決到既, 咪正LOL,解決唔到既, 咪再請教下C父, 其他人..總之唔係叫你做危險/犯法野, 冇大問題吧? 冇幾耐之前先有位C兄開帖分享學車心得/難題, 我咪口多多打幾隻字研究下, 最後佢都話有改善到, 問題都似乎有解決既方向.
就係有互助互惠既精神, 先有凝聚既力量, 唔係既話只係吹水有問題關人7事既, 不如去高X好過啦, 又有笑料(冇惡意)
BTW, 我始終建議學神有問題應先問問C父意見, 網上既只係個人心得, 可以一試但唔好盡信, 岩既咪變成自己一套, 唔岩既, 再領略過

綠字: 我要提出既係"聖經"呢本書/電影主要既對象係有一定駕駛技術/經驗既電單車手去睇/學, 人地個網頁寫得好清楚
書我有睇過, 某D內容係比較針對比賽既, 時間性速度性比較強既..唔岩睇可以忽略, 但有D CONCEPT我覺得佢講得幾好, 例如$10 BILLS THEORY, SR, Throttle control, steering (lazy, quick turn), vision (reference point), braking...(英文書, 懶得打中文)
係學神階段, 連平衡都未做得好, 吊極力子轉波DUP前尾BRAKE油門轉灣都要猶疑既, 睇呢堆野真係百上加斤,相反有相當程度既經驗(至少考到牌後), 睇下試下感受下, 可能係有益都唔奇...我唔係想擦人地鞋, 每個人對KEITH CODE既睇法都唔同, 有人覺得佢勁, 有人覺得佢吹水, 你決定啦..
我自己就覺得段片+書係正野, 值得回味, 並唔係你所講咁,只係一套卡通片..(據聞鐵騎網誌有唔少"知識教學"既內容都同Keith Code既"A Twist of the Wrist Vol 1+2"既內容十分相似, 唔通...心有靈犀? 呢本書果段片係堅定流, 相信大家心中有數

片我睇哂, 書呢仲要時間消化..入面既知識老實講我一成都未夠資格講學到, 但至少可能更加認識到自己要改既地方, 從咩路徑去改, 技術, 係冇完師既一日既...

勀啦唔打啦, 收山

[ 本帖最後由 陳靖仇 於 18-5-2012 12:05 AM 編輯 ]
發表於 17-5-2012 23:39:48 | 顯示全部樓層
我又多口講下~ 小小的感覺

好似我咁, 雪廠棍波牌N年, 補鐘又補過 ( 都補左5、6次, 1x個鐘 ), 唔係唔想問師傅
有D野, 佢見我開得車、安全停車都做足, 後尾都提少左我, 我都以為自己得

直到呢輪買左新車, 每開一日,
就想到一個新問題, 但總無可能日日call師傅

巿面上, 搵又搵個, 入門書、網上討論、YouTube片段... 都補充唔到想知的知識
( 例如 : 最近先知, 原來落低波比多少少油, 架車就唔Chok )
依家樣樣, 都係靠摸索, 問下人, 自己試下
iBike有咁多有經驗的人, 累積左的知識整理下, 真係會造福人群架

其實學野, 學幾多, 聽幾多, 有無比人老點
不嬲都係"學"個位, 都有責任, 人地講, 全信唔試, 或者太自負, 總要付出代價
講遠左啦...

總之, 我依家好期待, faytong師兄、館長或其他有經驗的師兄,
任何一方面的分享, 對我來講, 好多時又學到野
先向大家謝過先
發表於 18-5-2012 00:09:44 | 顯示全部樓層
原帖由 fwkay 於 17-5-2012 23:39 發表
我又多口講下~ 小小的感覺

好似我咁, 雪廠棍波牌N年, 補鐘又補過 ( 都補左5、6次, 1x個鐘 ), 唔係唔想問師傅
有D野, 佢見我開得車、安全停車都做足, 後尾都提少左我, 我都以為自己得 ...

大家都盡訴心中情咁播
發表於 18-5-2012 01:55:55 | 顯示全部樓層
買新車無論26 46 都係買0既時候同揸0既時候都頂瓜瓜﹗

到賣0既時候見到要俾人禁價,同偷車0既時個種肉痛咪就尼瓜囉﹗

有錢唔志在,二手車同新車都一樣,

無錢要計住條數,就當然係精明地買二手車好,有咩唔岩,揸完一年咪放﹗
發表於 18-5-2012 09:23:23 | 顯示全部樓層
原帖由 陳靖仇 於 18-5-2012 12:09 AM 發表

大家都盡訴心中情咁播


haha 你做白姐姐
白先生先係

btw, 師兄, 你搵咁多片, 真係有無野網站係由基本學起,
唔係講笑, 我都係早2日先解決左chok車同落唔到波的問題.
我依家先發現, 可能無真係由頭學起, 好多基本野唔知.
發表於 18-5-2012 10:44:55 | 顯示全部樓層
原帖由 fwkay 於 18-5-2012 09:23 發表


haha 你做白姐姐
白先生先係

btw, 師兄, 你搵咁多片, 真係有無野網站係由基本學起,
唔係講笑, 我都係早2日先解決左chok車同落唔到波的問題.
我依家先發現, 可能無真係由頭學起, 好多基本 ...

不如搵曰出車大家交流下啦
睇片教學未必睇得清楚明白,同埋少見
我地車仔好易上手姐,又可以玩下KeeP轉數
發表於 18-5-2012 11:11:21 | 顯示全部樓層
原帖由 jeremy9999 於 17-5-2012 06:57 PM 發表
資訊來源? 數據 及 證據 ?


咁就收左皮,仲要負幾百分
 樓主| 發表於 18-5-2012 12:31:15 | 顯示全部樓層
三.揀車篇


iBike其實係有關於點揀易手車既報導及教學,請自己去主頁既"知識技術"搵下,我呢度想分享既係咩人用咩車,人人考牌買車既目的都可能有唔同,上篇提過,分享下我點睇

學車考牌
現今自動波綿羊選擇又多又靚,所以有唔少人會選擇"以為"相對地較易pass既a牌 ,但係人係貪心既,面對各式新車既引誘,a牌往往就限制左往後換車既選擇 ,咁好喇,棍牌揀咩車好呢?梗係棍車啦,不過棍車方面最好選擇細排氣量大路牌子既大路街車,有新買新,咁樣就算你唔用自己車考牌,都可以用自己車練習,即使再上番考試車,近似排量同車重對於買車係用黎鍛鍊技術以pass為目的既人絕對有幫助

返工代步

代步車始終都唔建議用fairing或chopper,點解呀 ? 返工有冇車場泊?泊街你放唔放心?花左你心唔心痛?冇位你點算?有位但你架入唔倒?泊上行人路又因為嘈嚇親人被投訴跟手抄埋?泊入後巷又唔夠位掉頭?鎖車都鎖成個字?開車com下下有驚喜等等又頂得住冇?
就上述既情況,綿羊同細街車係較好既選擇,不過唔該低調d,唔好整條響喉嘈到想死,又或者大綿羊整d三尖八角既包圍出黎,呢d搞作對要有周圍泊車既需要黎講簡直係害己害人累街坊
好喇,咩為之大cc咩為之細cc呢? 細佬既愚見400或以下既都算係細cc
返工代步以250左右既馬力同車重最為方便,新牌女士都岩用,所以CB250幾舊都有人買賣,泰仔CBR150及VTR250長期冇荀盤,CB300咁貴都有人買,大鷹皇工商界熱棒,飛鷹初上市時大賣,Downtown一街都係,三陽T2都黎一試市場反應,仲有以前既霸主…各式日羊,都係遊走全港都唔會有問題既代步車款
超四你唔講既? 唔好意思,古董車不在分享之列……



待續......

[ 本帖最後由 faytong 於 18-5-2012 01:15 PM 編輯 ]
發表於 18-5-2012 13:45:31 | 顯示全部樓層
好貼,正!

精華所在!  

[ 本帖最後由 VTECIII 於 18-5-2012 01:47 PM 編輯 ]
發表於 18-5-2012 15:00:45 | 顯示全部樓層
原帖由 faytong 於 18-5-2012 12:31 PM 發表
三.揀車篇


iBike其實係有關於點揀易手車既報導及教學,請自己去主頁既"知識技術"搵下,我呢度想分享既係咩人用咩車,人人考牌買車既目的都可能有唔同,上篇提過,分享下我點睇

超四你唔講既? 唔好意思,古董車不在分享之列……   


好好笑,仲要好多句都好易上口,哈哈。
努力加油呀!繼續等睇。
發表於 18-5-2012 15:02:12 | 顯示全部樓層
原帖由 陳靖仇 於 18-5-2012 10:44 AM 發表

不如搵曰出車大家交流下啦
睇片教學未必睇得清楚明白,同埋少見
我地車仔好易上手姐,又可以玩下KeeP轉數


我同另一個師兄一樣,我自閉架 
最主要,自己都未熟車,跟人跟車都唔想。
遲D再講啦∼

鐵騎網誌 iBike

GMT+8, 16-12-2017 03:18 PM

快速回復 返回頂部 返回列表